२०८३ बैशाख १५, मंगलवार १०:२०
काठमाडौं । नबिल बैंकले चालु आर्थिक वर्ष २०८२/८३ को तेस्रो त्रैमाससम्म ६ अर्बभन्दा बढी नाफा आर्जन गरेको छ । बैंकले सार्वजनिक गरेको वित्तीय विवरणअनुसार चैतसम्म ६ अर्ब ७६ करोड ४६ लाख रुपैयाँ खुद नाफा कमाएको हो ।
गत आर्थिक वर्षको सोही अवधिमा बैंकले ५ अर्ब ५ करोड १४ लाख रुपैयाँ नाफा कमाएको थियो । यस वर्ष बैंकको नाफामा उल्लेख्य सुधार देखिएको छ ।बैंकको खुद ब्याज आम्दानी वृद्धि हुँदा नाफा बढ्न सहयोग पुगेको हो । चालु आर्थिक वर्षको ९ महिनासम्म बैंकले १२ अर्ब ४५ करोड ९४ लाख रुपैयाँ ब्याज आम्दानी गरेको छ । अघिल्लो वर्ष यही अवधिमा यस्तो आम्दानी १२ अर्ब ५ करोड ४४ लाख रुपैयाँ रहेको थियो ।
हाल बैंकको वितरणयोग्य मुनाफा ४ अर्ब ३७ करोड ३६ लाख रुपैयाँ रहेको छ भने सञ्चालन मुनाफा ९ अर्ब ६१ करोड ६ लाख रुपैयाँ पुगेको छ ।बैंकको चुक्तापुँजी ३२ अर्ब ५ करोड ६९ लाख रुपैयाँ रहेको छ भने रिजर्भमा ३४ अर्ब ४० करोड २ लाख रुपैयाँ सञ्चित छ ।
यस अवधिमा बैंकको खराब कर्जा (एनपीएल) अनुपात घटेर ०.९८ प्रतिशतमा झरेको छ, जुन अघिल्लो वर्ष सोही अवधिमा १.५९ प्रतिशत थियो ।बैंकको वार्षिकीकृत प्रतिशेयर आम्दानी (ईपीएस) बढेर ३३.०२ रुपैयाँ कायम भएको छ ।
