जिल्ला प्रहरी कार्यालयका प्रमुख प्रहरी उपरीक्षक गोविन्द पुरीका अनुसार गृहमन्त्री गुरुङले नागरिकले प्रत्यक्ष महसुस गर्नेगरी छिटोछरितो र प्रभावकारी सेवा प्रवाहमा जोड दिएका छन्।

यस क्रममा उनले जिल्लाका विभिन्न स्थानको निरीक्षण तथा अवलोकन पनि गरेका छन्। शनिबार राति उनले नारायणगढ–मुग्लिन सडकखण्डअन्तर्गत पहिरो प्रभावित क्षेत्र घोप्टेभीर र तुइन खोलाको निरीक्षण गर्दै वर्षायाममा समस्या दोहोरिन नदिन छिटो र प्रभावकारी रूपमा काम अघि बढाउन निर्देशन दिएका छन्।

त्यसैगरी, गृहमन्त्री गुरुङ पूर्व–पश्चिम राजमार्गअन्तर्गत पर्ने दाउन्ने सडकखण्डको निरीक्षणका लागि नवलपरासी (पूर्व) तर्फ प्रस्थान गरेको जनाइएको छ।