२०८३ जेष्ठ २०, बुधबार १५:४६
काठमाडौं । सत्तारुढ दल रास्वपा सभापति रवि लामिछानेले भारतीय प्रधानमन्त्री नरेन्द्र मोदीसँगको भेटवार्ता फलदायी रहेको बताएका छन्।
एक घण्टा लामो भेटवार्ता अत्यन्त उपयोगी र फलदायी रहेको बताउँदै उनले नेपाल र भारतले विगतका सीमितता र बाधाहरूलाई पार गर्दै विकास–कूटनीतिको नयाँ युगमा प्रवेश गर्ने कुरामा संवाद गरेको बताएका छन् ।
भेटवार्ताका क्रममा दुवै पक्षले साझा सभ्यतागत सम्बन्ध, डिजिटल करिडोरहरू र सहज कनेक्टिभिटीमा केन्द्रित भएर प्रगति र आपसी विश्वासमा आधारित साझेदारी निर्माण गर्न सक्नेमा विश्वास लिएको रविले जानकाररी गराएका छन्।
साथै, रास्वपाले नेपाल र भारतका जनताका लागि साझा समृद्धिको दिशामा यी सम्भावनाहरूलाई व्यवहारमा रूपान्तरण गर्न उत्सुकता व्यक्त गरेको पनि सभापति लामिछानेले जनाएका छन्।
‘भारतीय प्रधानमन्त्री नरेन्द्र मोदीसँग यस्तो उत्पादक एक घण्टा लामो कुराकानीमा संलग्न हुन पाउनु साँच्चै नै ठूलो खुशीको कुरा थियो। म भविष्यको लागि तपाईंको दृष्टिकोण साझा गर्दछु जहाँ नेपाल र भारतले विगतका बाधाहरू पार गर्दै विकास कूटनीतिको नयाँ युगलाई अँगाल्नेछन्। साझा सभ्यता सम्बन्ध, डिजिटल कोरिडोर र निर्बाध कनेक्टिभिटीमा ध्यान केन्द्रित गरेर, हामी साँच्चै प्रगति र पारस्परिक विश्वासद्वारा परिभाषित साझेदारी निर्माण गर्न सक्छौं। नेपाल र भारतका जनताको लागि, हाम्रो साझा समृद्धिको लागि,’ रविले भनेका छन् ।
