२०८३ कार्तिक ९, सोमवार ०९:१०
काठमाडौं । चलचित्र ‘बाटुलो जून’को डान्सिङ नम्बर ‘अल्लारे ठिटो आयो’ सार्वजनिक भएको छ ।
अनमोल केसी स्टारर चलचित्रको ‘अल्लारे ठिटो आयो’ बोलको गीतमा स्वर रुबै र प्रविण बेडुवालको छ । संगीत निर्माण, मिक्सिङ र मास्टरिङ रूप महानताले गरेका छन् ।
ADVERTISEMENT
सार्वजनिक गीतको भिडियोमा अनमोल र प्रिन्सी खतिवडा फिचर्ड छन् । पुरानो नेपाली समाजको मौलिक परिवेशलाई समेटेर गीत छायांकन गरिएको छ ।
ADVERTISEMENT
भिडियोमा अनमोल र प्रिन्सीको दोहोरी नोकझोकसहितको केमेस्ट्रि देखाइएको छ ।
भुवन केसीको निर्देशन रहेको ‘बाटुलो जून’ले ३० देखि ४० दशकको नेपाली परिवेशमा आधारित प्रेम कथा पस्कने प्रयास गरेको छ ।
राजेश श्रेष्ठको छायांकन रहेको चलचित्रमा कृष्ण भण्डारीको सम्पादन र रोमन बज्राचार्यको पार्श्व संगीत समावेश छ । चलचित्र कात्तिक २६ गते रिलिज हुँदै छ ।
