२०८३ आश्विन २०, मंगलवार ०७:४६
काठमाडौँ । ‘हिमालमा जलवायु परिवर्तनको प्रभाव, जलवायु न्याय तथा भोटेकोशी–त्रिशूली विपद्’ सम्बन्धी संसदीय विशेष समितिको बैठक आज बस्दैछ।
संसद् सचिवालयका अनुसार बैठक मंगलबार बिहान ९ बजे सिंहदरबारस्थित सार्वजनिक लेखा समितिको सभा कक्षमा बस्नेछ।
बैठकमा जलवायु परिवर्तनको प्रभाव, जलवायु न्याय तथा भोटेकोशी–त्रिशूली विपद्का विषयमा छलफल हुनेछ। यस क्रममा गृह मन्त्रालय, पूर्वाधार विकास मन्त्रालय र कानुन, न्याय तथा संसदीय मामिला मन्त्रालयका प्रतिनिधिसँग छलफल गर्ने कार्यसूची रहेको छ।
भोटेकोशी–त्रिशूली क्षेत्रमा पछिल्लो समय देखिएका विपद्का घटना, त्यसबाट भएको क्षति तथा जलवायु परिवर्तनसँग सम्बन्धित जोखिमका विषयमा समितिले सम्बन्धित मन्त्रालयबाट जानकारी लिनेछ।
समितिले हिमाली क्षेत्रमा जलवायु परिवर्तनको प्रभाव, जलवायु न्याय र विपद् व्यवस्थापनसँग सम्बन्धित विषयमा आवश्यक सुझाव तथा आगामी कदमबारे समेत छलफल गर्नेछ।
