२०८३ भाद्र १६, मंगलवार १५:०७
काठमाडौं । नेपाल बैंक लिमिटेडको सञ्चालक समितिमा फेरबदल भएको छ। नेपाल सरकार, अर्थ मन्त्रालयको प्रतिनिधित्व गर्दै आएका सञ्चालक समितिका अध्यक्ष शोभाकान्त पौडेल, सञ्चालक अमृत लम्साल तथा कर्मचारी सञ्चय कोषको तर्फबाट सञ्चालक रहेका जीवनकुमार कट्वाल समितिबाट बिदा भएका छन्।
बैंकले नेपाल स्टक एक्सचेन्ज (नेप्से) मार्फत दिएको जानकारीअनुसार नेपाल सरकार, अर्थ मन्त्रालयको तर्फबाट पिताम्बर भण्डारी र देवराज जोशी सञ्चालकमा नियुक्त भएका छन्। त्यस्तै, कर्मचारी सञ्चय कोषको तर्फबाट सुवाष खड्का सञ्चालकमा नियुक्त भएका छन्।नवनियुक्त सञ्चालकहरूले सम्बन्धित निकायको प्रतिनिधित्व गर्दै नेपाल बैंकको सञ्चालक समितिमा जिम्मेवारी सम्हाल्नेछन्।सञ्चालक समितिमा भएको यो परिवर्तनसँगै बैंकको नेतृत्व संरचनामा समेत फेरबदल भएको छ।
ADVERTISEMENT
ADVERTISEMENT
