काठमाडौँ । नेपाली बजारमा सुनको मूल्य बढ्ने क्रमले निरन्तरता पाएको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ हजार २०० रुपैयाँले वृद्धि भएर ३ लाख २२ हजार ७०० रुपैयाँ पुगेको छ।

यसअघि अघिल्लो कारोबार दिन सुन प्रतितोला ३ लाख १९ हजार ५०० रुपैयाँमा कारोबार भएको थियो। त्यस दिन पनि सुनको मूल्य २ हजार ८०० रुपैयाँले बढेको थियो। पछिल्ला दिनमा लगातार मूल्य बढेसँगै सुनको भाउ नयाँ उचाइतर्फ अघि बढिरहेको छ।

यता, चाँदीको मूल्य भने सामान्य रूपमा घटेको छ। महासंघका अनुसार अघिल्लो दिन प्रतितोला ४ हजार ९७५ रुपैयाँमा कारोबार भएको चाँदी आज १० रुपैयाँले घटेर ४ हजार ९६५ रुपैयाँ कायम भएको छ।

ADVERTISEMENT

सुनको मूल्यमा निरन्तर वृद्धि भइरहँदा चाँदीमा भने सामान्य गिरावट देखिएको हो।

ADVERTISEMENT