२०८३ जेष्ठ २८, बिहीबार ०८:३९
काठमाडौँ । कालीमाटी फलफूल तथा तरकारी बजार विकास समितिले आजका लागि कृषिउपजको अधिकतम थोक मूल्य निर्धारण गरेको छ। समितिले सार्वजनिक गरेको मूल्यसूचीअनुसार तरकारी, फलफूल, मसला तथा माछाजन्य वस्तुको मूल्यमा सामान्य उतारचढाव देखिएको छ।
आज ठूलो नेपाली गोलभेँडा प्रतिकिलो ६० रुपैयाँ, भारतीय गोलभेँडा ७० रुपैयाँ, रातो आलु ३२ देखि ३८ रुपैयाँ तथा भारतीय सुकेको प्याज ४३ रुपैयाँ प्रतिकिलोमा कारोबार हुने समितिले जनाएको छ।
हरियो तरकारीतर्फ स्थानीय काउली ६० रुपैयाँ, बन्दा ६० रुपैयाँ, गाजर १०० रुपैयाँ, सेतो मूला २० रुपैयाँ, भन्टा ३५ देखि ४० रुपैयाँ तथा लौका ५० रुपैयाँ प्रतिकिलो कायम गरिएको छ। भिन्डीको मूल्य घटेर प्रतिकिलो ५ रुपैयाँमा झरेको छ।
फलफूलतर्फ फुजी स्याउ ३०० रुपैयाँ, मालभोग केरा प्रतिदर्जन २२० रुपैयाँ, अनार ४२० रुपैयाँ, स्थानीय लिची २५० रुपैयाँ, भारतीय लिची ३०० रुपैयाँ तथा मालदह आँप ७० रुपैयाँ प्रतिकिलो निर्धारण गरिएको छ।
मसलाजन्य वस्तुमा अदुवा १३० रुपैयाँ, हरियो धनियाँ १०० रुपैयाँ, हरियो लसुन २०० रुपैयाँ तथा अकबरे खुर्सानी ३०० रुपैयाँ प्रतिकिलो कायम भएको छ। सुकेको खुर्सानी प्रतिकिलो ४५० रुपैयाँमा कारोबार भइरहेको छ।
च्याउमध्ये सिताके च्याउ सबैभन्दा महँगो रहेको छ, जसको मूल्य प्रतिकिलो १ हजार रुपैयाँ तोकिएको छ। कन्य च्याउ २५० रुपैयाँ र डल्ले च्याउ ३५० रुपैयाँ प्रतिकिलोमा बिक्री भइरहेको समितिले जनाएको छ।
कालीमाटी बजारले दैनिक रूपमा कृषि उपजको थोक मूल्य सार्वजनिक गर्दै आएको छ, जसले व्यापारी, किसान तथा उपभोक्तालाई बजार अवस्थाबारे जानकारी प्रदान गर्दै आएको छ।
