२०८३ बैशाख २४, बिहीबार ०८:५२
काठमाडौं । कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ। समितिले सार्वजनिक गरेको मूल्यसूचीअनुसार विभिन्न तरकारी, फलफूल, मसला तथा अन्य कृषिउपजको मूल्यमा उतारचढाव देखिएको छ।
आजको मूल्यसूचीअनुसार ठूलो भारतीय गोलभेँडा प्रतिकिलो ९५ रुपैयाँ कायम गरिएको छ भने सानो लोकल गोलभेँडा ६५ रुपैयाँ, भारतीय सानो गोलभेँडा ५० रुपैयाँ र तराई क्षेत्रको गोलभेँडा पनि ५० रुपैयाँ प्रतिकिलोमा कारोबार भइरहेको छ। आलु रातो प्रतिकिलो २८ रुपैयाँ तथा भारतीय आलु २४ रुपैयाँमा बिक्री भइरहेको छ।
तरकारीतर्फ स्थानीय गाजर ६० रुपैयाँ र तराईको गाजर ४० रुपैयाँ प्रतिकिलो निर्धारण गरिएको छ। बन्दा ३० देखि ४० रुपैयाँ, स्थानीय काउली ५० रुपैयाँ तथा ज्यापू काउली ६० रुपैयाँ प्रतिकिलो तोकिएको छ। भन्टा लाम्चो ६५ रुपैयाँ र डल्लो भन्टा ८० रुपैयाँ प्रतिकिलो कायम गरिएको छ।
बोडी (तने) प्रतिकिलो १२० रुपैयाँ, मकै बोडी ९० रुपैयाँ, घिउ सिमी ९० देखि १०० रुपैयाँ तथा भटमास कोसा १७० रुपैयाँ प्रतिकिलोमा कारोबार भइरहेको छ। लौका ६० रुपैयाँ, घिरौँला ७५ रुपैयाँ, भिन्डी ८० रुपैयाँ र स्कुस ६० रुपैयाँ प्रतिकिलो निर्धारण गरिएको छ।
सागपाततर्फ रायोसाग ८० रुपैयाँ, पालुङ्गो १०० रुपैयाँ, चमसुर १२० रुपैयाँ तथा हरियो प्याज १५० रुपैयाँ प्रतिकिलोमा बिक्री भइरहेको छ।
च्याउतर्फ कन्य च्याउ प्रतिकिलो २६० रुपैयाँ, डल्ले च्याउ ४०० रुपैयाँ, राजा च्याउ ३२० रुपैयाँ तथा सिताके च्याउ १ हजार रुपैयाँ प्रतिकिलो कायम गरिएको छ।
फलफूलतर्फ फुजी स्याउ प्रतिकिलो ३०० रुपैयाँ, केरा प्रतिदर्जन २२० रुपैयाँ, अनार ४५० रुपैयाँ, हरियो अङ्गुर ३०० रुपैयाँ र कालो अङ्गुर ४५० रुपैयाँ निर्धारण गरिएको छ। एभोकाडो प्रतिकिलो ८०० रुपैयाँ कायम गरिएको समितिले जनाएको छ।
मसलाजन्य वस्तुमा अदुवा प्रतिकिलो १०० रुपैयाँ, हरियो खुर्सानी १२० रुपैयाँ, अकबरे खुर्सानी ६०० रुपैयाँ तथा सुकेको खुर्सानी ४५० रुपैयाँमा कारोबार भइरहेको छ।
समितिका अनुसार बजारको माग, आपूर्ति र मौसमी उत्पादनका आधारमा दैनिक रूपमा मूल्य निर्धारण गरिने भएकाले आवश्यकताअनुसार मूल्य परिवर्तन हुन सक्नेछ।
