काठमाडौं । ऊर्जा, जलस्रोत तथा सिँचाइ, भौतिक पूर्वाधार तथा यातायात र शहरी विकास मन्त्री कुलमान घिसिङ बाढीपहिरो र डुबान प्रभावित क्षेत्रको अवलोकनको क्रममा आज झापा जाँदैछन् ।

विपद् संकटग्रस्त क्षेत्र इलामको अवस्था अवलोकन गरेका उनी आज झापा पनि जान लागेका हुन् । झापाको कन्काई र बिरिङ खोलाको बाढी बस्तीमा पस्दा झापा गाउँपालिका नराम्रोसँग प्रभावित भएको छ । झापा गाउँपालिका लगायतका क्षेत्र अवलोकन गरेर उनी आज काठमाडौं फर्किने कार्यक्रम छ ।

असोज १८ र १९ गतेको अविरल वर्षाले बाढीपहिरो र डुबानले कोशी प्रदेशका जिल्ला नराम्रोसँग प्रभावित भएका छन् ।