२०८३ भाद्र ७, आईतवार १५:३९
काठमाडौं — तीजको अवसरलाई लक्षित गर्दै उपभोक्ता इलेक्ट्रोनिक्स तथा जीवनशैलीसम्बन्धी ब्रान्ड अल्टिमा लाइफस्टाइलले ‘टेक्की तीज सेल’ घोषणा गरेको छ। अगस्ट २१ देखि सेप्टेम्बर ५ सम्म सञ्चालन हुने उक्त अभियानमा कम्पनीका विभिन्न अडियो तथा पहिरनयोग्य प्रविधिका उत्पादनमा विशेष छुट उपलब्ध गराइने कम्पनीले जनाएको छ।
तीजको किनमेललाई लक्षित गर्दै ल्याइएको अभियानअन्तर्गत अल्टिमाका स्पिकरमा ४५ प्रतिशतसम्म छुट उपलब्ध हुनेछ। कम्पनीका अनुसार हालै बजारमा आएका ‘अल्टिमा बुमबक्स १३०’ र ‘अल्टिमा वेभबार’ पनि छुट योजनामा समावेश छन्। यस्तै, कम्पनीका अन्य उत्पादनमा ४० प्रतिशतसम्म छुट प्रदान गरिनेछ।
कम्पनीले चाडपर्वका बेला उपभोक्ताको बढ्दो किनमेललाई ध्यानमा राख्दै प्रविधिजन्य उत्पादन र फेसनलाई एउटै अभियानमार्फत जोड्ने प्रयास गरेको जनाएको छ। यसका लागि अल्टिमाले फेसन ब्रान्ड अउरिभा क्लोसेटसँग विशेष सहकार्य गरेको छ।
अभियान अवधिमा अल्टिमा लाइफस्टाइलको कुनै पनि उत्पादन खरिद गर्ने ग्राहकले अउरिभा क्लोसेटका सामग्री खरिद गर्दा २५ प्रतिशत छुट पाउनेछन्। अल्टिमाबाट उत्पादन खरिद गरेको बिललाई खरिद प्रमाणका रूपमा प्रस्तुत गरेपछि उक्त छुट प्राप्त गर्न सकिने कम्पनीले जनाएको छ।
प्रविधिको खरिदसँगै फेसनमा पनि छुट
‘टेक्की तीज सेल’ अन्तर्गत ग्राहकले अल्टिमाको आधिकारिक वेबसाइट, दराज, कम्पनीका भौतिक स्टोर, खल्ती तथा अन्य आधिकारिक बिक्री माध्यमबाट उत्पादन खरिद गर्न सक्नेछन्। अभियानमा सहभागी हुने ग्राहकले खरिद गरेको उत्पादनको बिल सुरक्षित राख्नुपर्नेछ।
अउरिभा क्लोसेटको सामग्रीमा २५ प्रतिशत छुट प्राप्त गर्न ग्राहकले पहिले अल्टिमाको कुनै पनि उत्पादन खरिद गरेको हुनुपर्नेछ। त्यसपछि अउरिभा क्लोसेटका सामाजिक सञ्जालमार्फत आफूलाई मनपर्ने सामग्री छनोट गर्न सकिनेछ।
छनोट गरिएको सामग्रीका लागि अउरिभा क्लोसेटलाई प्रत्यक्ष सन्देशमार्फत सम्पर्क गरी अर्डर गर्नुपर्नेछ। अर्डरका क्रममा अल्टिमा लाइफस्टाइलबाट गरिएको खरिदको बिल उपलब्ध गराउनुपर्ने कम्पनीले जनाएको छ। बिललाई खरिद प्रमाणका रूपमा स्वीकार गरी छनोट गरिएको फेसन सामग्रीमा २५ प्रतिशत छुट उपलब्ध गराइनेछ।
कम्पनीका अनुसार छुटमा खरिद गरिएको सामग्री ग्राहकको घरसम्म पुर्याउने व्यवस्था पनि गरिएको छ। यद्यपि, छुट तथा उत्पादनको उपलब्धता सम्बन्धित सामानको मौज्दातमा निर्भर रहने जनाएको छ।
तीज नेपाली महिलाको प्रमुख पर्वमध्ये एक भएकाले यस अवधिमा पहिरन, गहना तथा विभिन्न उपभोग्य सामग्रीको किनमेल बढ्ने गर्दछ। पछिल्ला वर्षमा स्मार्टवाच, इयरबड, हेडफोन र पोर्टेबल स्पिकरजस्ता जीवनशैलीसँग जोडिएका प्रविधिजन्य सामग्रीको माग पनि बढ्दै गएको व्यवसायीहरू बताउँछन्।
यही बजार प्रवृत्तिलाई लक्षित गर्दै अल्टिमाले यसपटकको तीज अभियानमा आफ्ना उत्पादनमा प्रत्यक्ष छुट दिनुका साथै अर्को ब्रान्डसँगको सहकार्यमार्फत फेसन सामग्रीमा समेत छुटको सुविधा जोडेको जनाएको छ।
अल्टिमा लाइफस्टाइलले नेपालमा स्मार्टवाच, इयरबड, हेडफोन, स्पिकरलगायत उपभोक्ता इलेक्ट्रोनिक्स तथा जीवनशैलीसँग सम्बन्धित विभिन्न उत्पादन बिक्री गर्दै आएको छ। कम्पनीले पछिल्लो समय अडियो र पहिरनयोग्य प्रविधिका उत्पादन विस्तारमा जोड दिँदै आएको जनाएको छ।
‘टेक्की तीज सेल’मार्फत ग्राहकले आफ्ना लागि वा उपहारका रूपमा प्रविधिजन्य सामग्री खरिद गर्दा छुटको लाभ लिन सक्नेछन्। स्पिकरमा ४५ प्रतिशतसम्मको छुट यस अभियानको मुख्य आकर्षण रहेको कम्पनीले जनाएको छ भने अन्य विभिन्न उत्पादनमा पनि ४० प्रतिशतसम्म छुट उपलब्ध हुनेछ।
अल्टिमाका अनुसार अभियानमा समावेश छुट सुविधा अगस्ट २१ देखि सेप्टेम्बर ५ सम्म मात्र लागू हुनेछ। अउरिभा क्लोसेटको २५ प्रतिशत छुट प्राप्त गर्न भने अभियान अवधिमा गरिएको अल्टिमा उत्पादनको खरिद र त्यसको मान्य बिल आवश्यक पर्नेछ।
कम्पनीले ग्राहकलाई आधिकारिक बिक्री माध्यमबाट मात्रै उत्पादन खरिद गर्न तथा छुटसम्बन्धी सर्त र उत्पादनको उपलब्धताबारे सम्बन्धित बिक्री माध्यमबाट जानकारी लिन आग्रह गरेको छ।
