२०८३ असार ५, शुक्रबार १४:५६
काठमाडौं । नेपाल लाइफ इन्स्योरेन्स कम्पनीले नेपालमा फिफा विश्वकप २०२६ को प्रसारणका लागि हिमालय स्पोर्ट्ससँग सहप्रायोजकको रूपमा सहकार्य गरेको छ।
यो सहकार्यअन्तर्गत नेपाल लाइफ फिफा विश्वकपको प्रसारणमा हिमालय स्पोर्ट्स टिभी तथा डिगो एपमार्फत सहभागी रहनेछ।
नेपाल लाइफ इन्स्योरेन्सका प्रमुख कार्यकारी अधिकृत प्रवीणरमण पराजुलीले भने, ‘विश्वकै सर्वाधिक लोकप्रिय खेल महोत्सव फिफा विश्वकप २०२६ को प्रसारणमा हिमालय स्पोर्ट्ससँग सहप्रायोजकका रूपमा सहकार्य गर्न पाउँदा हामी गौरवान्वित छौं। विश्वभरका अर्बौं दर्शकहरूको आकर्षणको केन्द्र रहने यस प्रतिष्ठित प्रतियोगिताले खेलकुदमार्फत मानिसहरूलाई एकताबद्ध गराउँछ ।’
ऐतिहासिक खेल महोत्सवसँग आफ्नो उपस्थिति जोड्न पाउनु गर्वको विषय भएको उनले बताए । ‘यस सहकार्यले नेपाली दर्शकहरूमाझ विश्वकपको उत्साह अझ नजिकबाट अनुभव गराउनका साथै नेपाल लाइफको ब्राण्डलाई देशभरका खेलप्रेमीहरूसँग थप सशक्त रूपमा जोड्ने विश्वास लिएका छौं,’ पराजुलीले भने ।
