२०८२ कार्तिक ३०, आईतवार १८:००
ललितपुर । फोनपे काठमाडौं गोर्खाजसँग नेपाल प्रिमियर लिग (एनपीएल) सिजन २ का लागि प्लाटिनम प्रायोजकको रूपमा जोडिएको छ। फोनपे, नेपालको अग्रणी डिजिटल भुक्तानी नेटवर्क, नेपाल प्रिमियर लिग एनपीएल सिजन २ का लागि काठमाडौं गोर्खाजसँग प्लाटिनम प्रायोजकका रूपमा साझेदारी गरेको हो ।
स सहकार्यमार्फत, फोनपेले राष्ट्रिय खेलकुदको प्रवर्द्धन, स्थानीय प्रतिभाको विकास, र देशभरका समुदायसँगको संलग्नताप्रति आफ्नो प्रतिबद्धतालाई अझ मजबुत बनाएको कम्पनीले जानकारी दिएको छ ।
फोनपेका सीइओ दिवासकुमारले भने, ‘हामी एनपीएल सिजन २ मा काठमाडौं गोर्खाजलाई समर्थन गर्न पाउँदा गर्व गर्छौँ। फोनपेले युवालाई प्रेरणा दिने, राष्ट्रिय गौरव बढाउने, र सुरक्षित तथा सहज डिजिटल भुक्तानी प्रयोगलाई प्रवर्द्धन गर्ने पहलहरूलाई निरन्तर अघि बढाइरहेको छ। हामी विश्वास गर्छौँ कि खेलकुदले मानिसहरूलाई एकत्रित गर्छ, र यस्तै भावना बोकेको टोलीसँग साझेदारी गर्न पाउँदा हामी उत्साहित छौँ।’
काठमाडौं गोर्खाजले फोनपेप्रतिको आभार व्यक्त गर्दै भने कि यो समर्थनले टोलीलाई आगामी प्रतिस्पर्धात्मक सिजनका लागि थप उर्जावान र आत्मविश्वासी बनाएको कम्पनीले जानकारी दिएको छ ।
