काठमाडौं । पतञ्जली योगपीठलाई हदबन्दीभन्दा धेरै जग्गा बिक्री गर्न मन्त्रिपरिषद्बाट अनुमति दिएको विषयमा विशेष अदालतले पूर्वप्रधानमन्त्री माधवकुमार नेपाललाई ३५ लाख रुपैयाँमा धरौटीमा छोड्ने आदेश गरेको छ।

विशेष अदालतका न्यायाधीश तेजनारायण सिंह राईसहित रामबहादुर थापा र विदुर कोइरालाको इजलासले नेपाललाई धरौटीमा छाड्न आदेश गरेको हो।
अख्तियार दुरुपयोग अनुसन्धान आयोगले गत जेठ २२ गते पतञ्जलि जग्गा हिनामिना प्रकरणमा नेपालसहित ९३ जनाविरुद्ध आरोपपत्र दायर गरेको थियो
नेपाल बुधबार बिहान अदालतमा आफैँ उपस्थित भएका थिए।

ADVERTISEMENT

२०६६ सालमा नेपाल प्रधानमन्त्री हुँदा नियम मिचेर पतञ्जलीलाई हदबन्दी छुटको जग्गा बिक्री गर्न दिइएको अख्तियारको अभियोग छ ।

ADVERTISEMENT