काठमाडौं। निर्वाचनको मौन अवधिमा अवैध गतिविधिमा संलग्न भएको आरोपमा दुई जना उम्मेदवार पक्राउ परेका छन्। नेपाल प्रहरीका अनुसार मौन अवधिमा अवैध नगदसहित उम्मेदवारहरू नियन्त्रणमा लिइएको हो।
प्रहरीका अनुसार सिरहा क्षेत्र नम्बर ३ का जसपा नेपालका उम्मेदवार आरेश्वर यादवलाई ठूलो परिमाणमा नगदसहित पक्राउ गरिएको छ। त्यस्तै, पर्सा क्षेत्र नम्बर २ का नेकपाका उम्मेदवार मनोज चौधरी पनि नियन्त्रणमा परेका छन्।
चौधरीको साथबाट संकास्पद वस्तु समेत बरामद भएको प्रहरीले जनाएको छ। बरामद सामग्रीबारे थप अनुसन्धान भइरहेको र आवश्यक कानुनी प्रक्रिया अघि बढाइएको प्रहरी स्रोतले जानकारी दिएको छ।
मौन अवधिमा मतदातालाई प्रभावित पार्ने गतिविधि कानुनविपरीत हुने भएकाले त्यस्ता गतिविधिमा संलग्नमाथि कडा कारबाही गरिने प्रहरीले चेतावनी दिएको छ।

ADVERTISEMENT