२०८३ कार्तिक ३, सोमबार ११:४१
काठमाडौं । सिटिजन लाइफ इन्स्योरेन्सले आफ्नो नवौँ वार्षिकोत्सवका अवसरमा प्रविधिमैत्री, ग्राहककेन्द्रित सेवा र दाबी भुक्तानीलाई थप प्रभावकारी बनाउँदै लैजाने प्रतिबद्धता व्यक्त गरेको छ ।
कम्पनीले हाल करिब ३३ अर्ब रुपैयाँ लगानीसहित आफ्नो वित्तीय यात्रालाई मजबुत बनाउँदै लगेको जनाएको छ । डिजिटल सेवा, प्रविधिमा आधारित प्रक्रिया तथा छिटो र सहज सेवामार्फत ग्राहकको अनुभव सुधार गर्ने प्रयास जारी रहेको कम्पनीले जनाएको छ ।
वार्षिकोत्सवको अवसरमा कम्पनीले यस वर्षको मूल भाव ‘Challenging but Achievable, Aggressive but Sustainable’ अर्थात् चुनौतीपूर्ण तर हासिल गर्न सकिने, आक्रामक तर दिगो भन्ने रणनीतिलाई आत्मसात् गर्दै अघि बढिरहेको उल्लेख गरेको छ ।
प्राकृतिक विपद्का कारण प्रभावित परिवारप्रति समवेदना व्यक्त गर्दै कम्पनीले उनीहरू सामान्य जीवनमा फर्किन सकून् र नयाँ आशाका साथ अघि बढ्न सकून् भन्ने विश्वाससमेत व्यक्त गरेको छ ।
कम्पनीले ग्राहकको विश्वासलाई आफ्नो सबैभन्दा ठूलो सम्पत्ति मानेको उल्लेख गर्दै जीवन बीमामार्फत परिवारको सुरक्षा, आर्थिक स्थायित्व र समृद्धिको यात्रामा प्रभावकारी साझेदार बन्ने प्रतिबद्धता जनाएको छ ।
नवौँ वार्षिकोत्सवका अवसरमा कम्पनीले ग्राहक, नियामक निकाय, शेयरधनी, सञ्चालक समिति, ब्रान्ड एम्बेसडर, सञ्चारकर्मी, कर्मचारी तथा शुभेच्छुकप्रति आभार व्यक्त गरेको छ ।
साथै विजया दशमी, दीपावली, नेपाल संवत् तथा छठ पर्वको अवसरमा सम्पूर्ण नेपालीमा सुख, शान्ति, स्वास्थ्य र समृद्धिको शुभकामना व्यक्त गरेको छ ।
