२०८३ आश्विन ३, शनिबार १६:१२
काठमाडौं । जापानमा आयोजना भइरहेको २०औँ एसियन गेम्सको उद्घाटन समारोहमा नेपाली खेलाडी तथा पदाधिकारीको मार्चपास सुरु भएको छ।
नागोया सिटीस्थित मिजुहो पार्क एथलेटिक्स स्टेडियममा भइरहेको उद्घाटन समारोहमा नेपाली टोलीले राष्ट्रिय झण्डासहित मार्चपास गरेको हो।
ADVERTISEMENT
२०औँ एसियन गेम्समा नेपालबाट २१ खेलमा १३५ खेलाडी सहभागी छन्। जसमा ५७ महिला र ७८ पुरुष खेलाडी रहेका छन्। यस्तै, २९ प्रशिक्षक, १७ व्यवस्थापक र २ खेल प्राविधिक नेपाली टोलीमा छन्।
ADVERTISEMENT
नेपालले आर्चरी, एथलेटिक्स, ब्याडमिन्टन, बक्सिङ, क्रिकेट, साइक्लिङ, गल्फ, जुडो, कबड्डी, कराते, र्याफ्टिङ एन्ड क्यानोइङ, स्केट एन्ड स्केट बोर्डिङ, सफ्ट टेनिस, स्क्वास, पौडी, टेबलटेनिस, तेक्वान्दो, टेनिस, भलिबल, कुस्ती र उसुमा प्रतिस्पर्धा गर्दैछ।
ADVERTISEMENT
