२०८२ चैत्र २८, शनिवार ०९:४०
काठमाडौं। बागमती प्रदेश सरकारले प्रदेशभित्र सञ्चालन हुने सार्वजनिक सवारी साधनको भाडादर समायोजन गरेको छ। नयाँ भाडादर काठमाडौं उपत्यकाभित्र तथा काठमाडौंबाट बागमती प्रदेशका विभिन्न सहर–बस्तीमा सञ्चालन हुने सवारी साधनमा लागू हुने जनाइएको छ।
प्रदेश सरकारका अनुसार एकै प्रदेशभित्र सञ्चालन हुने सवारी साधनको भाडादर निर्धारण गर्ने अधिकार प्रदेश सरकारमै रहने कानुनी व्यवस्था अनुरूप नयाँ दर समायोजन गरिएको हो।
यसअघि अन्तर प्रदेश सञ्चालन हुने सवारी साधनको भाडादर भने केन्द्रीय सरकारले निर्धारण गरी लागू गरिसकेको छ। प्रदेश सरकारले भने स्थानीय स्तरमा सञ्चालन हुने सवारीका लागि आवश्यक समायोजन गर्दै नयाँ दर सार्वजनिक गरेको हो।
नयाँ भाडादर लागू भएसँगै यात्रु तथा व्यवसायी दुवै पक्षलाई सहज हुने अपेक्षा गरिएको छ। साथै, यातायात सेवामा एकरूपता कायम गर्दै सेवा प्रवाहलाई थप व्यवस्थित बनाउने लक्ष्य प्रदेश सरकारले लिएको जनाएको छ।
