२०८३ भाद्र १६, मंगलवार ११:४८
काठमाडौं । नुवाकोटको विदुर नगरपालिका–१० स्थित बेत्रावतीमा एउटै घरभित्र २० वटाभन्दा बढी शव फेला परेका छन्।जिल्ला प्रहरी कार्यालयका अनुसार भदौ १० गते बुधबार रसुवाको भोटेकोसी हुँदै त्रिशूली नदीमा आएको भीषण बाढीमा ज्यान गुमाएकाहरूको खोजी गर्ने क्रममा ठूलो संख्यामा शव एउटै घरभित्र फेला परेको हो।
स्थानीयको आग्रहपछि प्रहरीले उक्त घरमा खोजी गर्दा शव भेटिएका थिए। बाढीले पुरिएको घरबाट मंगलबार ५–६ वटा शव निकालिएको प्रहरीले जनाएको छ। रात परेपछि रोकिएको शव निकाल्ने कार्य आज बिहानदेखि पुनः सुरु गरिएको छ।
घरभित्र अझै ठूलो संख्यामा शव रहेको अनुमान गरिएकाले उद्धार टोलीले थप शव निकाल्ने काम गरिरहेको छ। भेटिएका शवमध्ये केहीको पहिचान हुन बाँकी रहेको प्रहरीले जनाएको छ।भोटेकोसी बाढीमा परी हालसम्म ९५१ जनाको शव फेला परेको प्रहरीको विवरण छ। तीमध्ये ९२७ वटा शवको जाँच मुचुल्का तयार पारिएको छ।
त्यस्तै, पहिचान हुन नसकेका ८२४ शवको विवरण प्रहरीले आफ्नो वेबसाइटमा सार्वजनिक गरेको जनाएको छ। पहिचान हुन नसकेका तथा अलपत्र परेका ४१३ शवलाई दाहसंस्कार तथा व्यवस्थापनका लागि जमिनमा गाडिएको प्रहरीको विवरणमा उल्लेख छ।
बाढीपछि विभिन्न स्थानमा थुप्रिएका तथा पुरिएका शवको खोजी, पहिचान र व्यवस्थापनको काम अझै जारी रहेको छ।
