२०८३ असार ११, बिहीबार ०९:१७
काठमाडौं । फिफा विश्वकप–२०२६ अन्तर्गत समूह ‘ए’को खेलमा सहआयोजक मेक्सिकोले चेक गणतन्त्रलाई ३–० गोल अन्तरले पराजित गर्दै समूह विजेताको रूपमा नकआउट चरणमा प्रवेश गरेको छ।
मेक्सिको सिटी स्टेडियममा सम्पन्न खेलको पहिलो हाफ गोलरहित बराबरीमा सकिए पनि दोस्रो हाफमा मेक्सिकोले उत्कृष्ट प्रदर्शन गर्दै तीन गोल गरेको हो।
मेक्सिकोका लागि ५५औँ मिनेटमा मातेओ चाभेजले पहिलो गोल गर्दै टोलीलाई अग्रता दिलाए। त्यसपछि ६१औँ मिनेटमा किन्योनेसले दोस्रो गोल थपे। इन्जुरी समयको अन्त्यतिर अल्भारो फिडाल्गोले तेस्रो गोल गर्दै मेक्सिकोको सहज जित सुनिश्चित गरे।
यसअघि नै लगातार दुई जित निकाल्दै नकआउट चरणमा स्थान बनाइसकेको मेक्सिकोले समूह चरणका तीनवटै खेल जितेर ९ अंक बटुलेको छ।
चेक गणतन्त्र भने मेक्सिकोविरुद्धको हारसँगै समूह चरणबाटै बाहिरिने अवस्थामा पुगेको छ। मेक्सिकोले भने विश्वकप उपाधि यात्रालाई थप मजबुत बनाएको छ।
