काठमाडौं । तामाकोशी गाउँपालिका–४ को मालु मतदान केन्द्रमा रोकिएको मतदान अहिलेसम्म सुरु हुन सकेको छैन।

सहायक प्रमुख जिल्ला अधिकारी औलाख बहादुर आलेका अनुसार मतदान केन्द्रमा कर्मचारीमाथि हातपात गर्ने प्रयास भएपछि प्रहरीले हवाई फायर गरेको थियो। सो घटनापछि मतदान रोकिएको हो र अहिले छलफल जारी रहेको जानकारी उनले दिए।

‘बुथ एजेन्टहरूलाई सुरक्षित ठाउँमा राखिएको छ। मतपत्र लुटपाट हुन थालेपछि उनीहरूलाई सुरक्षित स्थानमा लगिएको हो,’ आलेले अनलाइनखबरसँग बताए।

ADVERTISEMENT

प्रश्नमा कि प्रहरीले दलका प्रतिनिधिलाई नियन्त्रणमा लिएको हो कि भन्नेमा उनले स्पष्ट पार्दै भने, ‘नियन्त्रण होइन। दलका केही प्रतिनिधिले मतपत्र लुट्न खोजेपछि समस्या भएको हो, त्यसैले सुरक्षित ठाउँमा राखिएको हो।’

ADVERTISEMENT

हाल मतदान सुरु गराउने प्रयास भइरहेकाले स्थिति नियमित रूपमा आयोगद्वारा अनुगमन भइरहेको छ।

ADVERTISEMENT