२०८२ मंसिर २९, आइतवार ११:५६
काठमाडौं । नेपाल हाइड्रो डेभलोपर लिमिटेडले वार्षिक साधारण सभा बोलाएको छ । कम्पनीको मंसिर २६ गते बसेको सञ्चालक समितिको निर्णय अनुसार सभा पुस २३ गते आम्रपाली ब्याङ्क्वेट भाटभटेनी काठमाडौंमा बिहान ११ बजे बस्ने आव्हान गरेको हो ।
सभाले हाल कायम चुक्ता पूँजीको ९ प्रतिशत बोनस सेयर र ०.४७ प्रतिशत नगद लाभांश सेयरधनीहरूमा वितरण गर्नेछ ।
सभाले गत आवको वित्तीय विवरणहरू उपर छलफल गरी पारित गर्नेछ।
सभाले चालू आवको लागि लेखापरीक्षकको नियुक्ति गर्ने, स्वतन्त्र सञ्चालकको नियुक्ति अनुमोदन गर्ने, आवश्यकता अुनसार कम्पनीको प्रबन्धपत्र तथा नियमावलीमा संशोधन गर्ने र यसका लागि सञ्चालक समितिलाई अख्तियारी दिने प्रस्ताव पारित गर्नेछ।
साथै, साधारणसभा तथा लाभांश प्रयोजनको लागि कम्पनीले पुस ७ गते बुक क्लोज गर्ने निर्णय गरेको छ । बुक क्लोजको आधारमा पुस ६ गतेसम्म नेप्सेमा कायम सेयरधनीहरू मात्रै साधारणसभामा भाग लिन र लाभांश पाउन योग्य हुने कम्पनीले एक सूचनामार्फत जानकारी दिएको छ ।
