२०८३ आश्विन ११, आईतवार १२:१०
काठमाडौं । नागढुंगा-मुग्लिन सडक खण्डको विभिन्न १० ठाउँमा पहिरो गएको छ ।
नागढुंगा-मुग्लिन सडक आयोजनाका अनुसार आइतबार बिहान १० बजेसम्म यो सडक खण्डको १० ठाउँमा पहिरो गएको छ ।
ADVERTISEMENT
आयोजनाका अनुसार कृष्णभिर, ज्यामिरेघाट चौकीभिर, घोप्टेभिर र सिमलधारामा पहिरोका कारण सडक दुईतर्फी अवरुद्ध रहेको छ ।
ADVERTISEMENT
शीलतबजार, गोमती खोला, हुग्दी खोलादेखि जवाङ खोला, फिस्लिङ, चुम्लिङटार र धारापानी क्षेत्रमा पहिरो खसेको छ । जसका कारण यी क्षेत्रमा सडक एकतर्फी रहेको आयोजनाले जनाएको छ ।
आयोजनाका अनुसार पानी पर्न रोकिएपछि सबै स्थानमा आवश्यक उपकरण परिचालन गरी अवरुद्ध सडक खोलिने छ।
ADVERTISEMENT
आयोजनाले भनेको छ, ‘आज पनि यस सडक खण्ड पूर्ण रूपमा अवरुद्ध रहने हुँदा सकेसम्म यात्रा नगर्नुहुन सम्पूर्ण सडक प्रयोगकर्तालाई अनुरोध छ।’
