२०८३ आश्विन ४, आईतवार ११:४४
काठमाडौँ । सिटिजन्स बैंक इन्टरनेसनल लिमिटेडले संस्थागत सामाजिक उत्तरदायित्वअन्तर्गत कैलालीको धनगढी–१ स्थित सेती प्रादेशिक अस्पतालको डायलाइसिस युनिटलाई रिभर्स अस्मोसिस (आरओ) प्रणाली उपलब्ध गराएको छ।
बैंकले अस्पतालको डायलाइसिस सेवाका लागि आवश्यक पर्ने आरओ प्रणाली सहयोगस्वरूप उपलब्ध गराएको हो। उक्त सहयोगले सुदूरपश्चिम प्रदेशका मिर्गौला रोगीलाई प्रदान हुँदै आएको डायलाइसिस सेवालाई थप व्यवस्थित, सुरक्षित र प्रभावकारी बनाउन सहयोग पुग्ने अपेक्षा गरिएको बैंकले जनाएको छ।
सेती प्रादेशिक अस्पतालको डायलाइसिस युनिटले हाल २१ वटा डायलाइसिस मेसिनमार्फत तीन सिफ्टमा करिब २४२ जना बिरामीलाई नियमित रूपमा सेवा प्रदान गर्दै आएको छ। मिर्गौला रोगीको संख्या र डायलाइसिस सेवाको आवश्यकतालाई ध्यानमा राख्दै बैंकले अस्पताल व्यवस्थापनसँग छलफल गरी तत्काल आवश्यकताका रूपमा आरओ प्रणालीको पहिचान गरेको जनाएको छ।
अस्पतालमा आयोजित एक कार्यक्रममा बैंकका प्रमुख कार्यकारी अधिकृत गणेशराज पोखरेलले अस्पताललाई सहयोगस्वरूप डायलाइसिस एकाइका लागि आरओ प्रणाली हस्तान्तरण गरेका हुन्।
कार्यक्रमलाई सम्बोधन गर्दै प्रमुख कार्यकारी अधिकृत पोखरेलले सुदूरपश्चिम प्रदेशका मिर्गौला रोगीलाई सेवा प्रदान गर्ने अस्पताललाई सहयोग गर्न पाउँदा खुसी लागेको बताए। उनले अस्पताल तथा त्यहाँ उपचाररत बिरामीको स्वास्थ्यमा सुधार ल्याउन यस्ता सहयोगले महत्वपूर्ण भूमिका खेल्ने विश्वास व्यक्त गरे।
विशेषगरी न्यून आय भएका तथा विपन्न समुदायका मिर्गौला रोगीले डायलाइसिस सेवा लिनुपर्ने अवस्था रहेको उल्लेख गर्दै पोखरेलले बैंकको सहयोगबाट त्यस्ता बिरामीलाई प्रत्यक्ष लाभ पुग्ने बताए। स्वास्थ्य क्षेत्रमा गरिने सहयोगले समाजमा सकारात्मक प्रभाव पार्ने भएकाले बैंकले आगामी दिनमा पनि यस्ता कार्यक्रमलाई निरन्तरता दिने जनाएको छ।
सेती प्रादेशिक अस्पताल सुदूरपश्चिम प्रदेशका विभिन्न जिल्लाबाट उपचारका लागि आउने बिरामीका लागि महत्वपूर्ण स्वास्थ्य संस्था हो। मिर्गौला रोगीका लागि डायलाइसिस सेवा अस्पतालको महत्वपूर्ण सेवामध्ये एक हो। नियमित डायलाइसिसका लागि ठूलो संख्यामा बिरामी आउने भएकाले डायलाइसिस युनिटमा आवश्यक पूर्वाधार र उपकरणको महत्वसमेत बढ्दै गएको छ।
बैंकले अस्पतालको तत्काल आवश्यकतालाई मध्यनजर गर्दै डायलाइसिस युनिटका लागि आवश्यक प्रणालीको स्थापनालाई प्राथमिकतामा राखेको जनाएको छ। आरओ प्रणाली डायलाइसिस प्रक्रियाका लागि आवश्यक पानी शुद्धीकरण प्रणाली भएकाले यसको नियमित र सुरक्षित सञ्चालनले डायलाइसिस सेवाको गुणस्तर कायम गर्न सहयोग पुग्ने अपेक्षा गरिएको छ।
सिटिजन्स बैंकले आफ्नो संस्थागत सामाजिक उत्तरदायित्वअन्तर्गत स्वास्थ्य, शिक्षा, सामाजिक तथा आर्थिक क्षेत्रमा विभिन्न कार्यक्रम सञ्चालन गर्दै आएको जनाएको छ। बैंकले आगामी दिनमा पनि समाजमा सकारात्मक परिवर्तन ल्याउने उद्देश्यले यस्ता सामाजिक उत्तरदायित्वका कार्यक्रमलाई निरन्तरता दिने बताएको छ।
बैंकका अनुसार उसले यसअघि पनि विभिन्न स्वास्थ्य संस्था तथा सामाजिक क्षेत्रमा सहयोग गर्दै आएको छ। पछिल्लो सहयोगलाई पनि सोही सामाजिक उत्तरदायित्व कार्यक्रमको निरन्तरताका रूपमा लिइएको छ।
बैंकका अन्य सेवा विस्तार
सिटिजन्स बैंक इन्टरनेसनल लिमिटेडले बैंकिङ सेवाको विस्तारसँगै नयाँ प्रविधि र डिजिटल सेवामा समेत जोड दिँदै आएको जनाएको छ। बैंकले हाल देशभरका ६१ जिल्लामा २०० वटा शाखा, १६७ वटा एटीएम, ३ वटा विस्तारित काउन्टर र ४२ वटा शाखारहित बैंकिङ इकाइमार्फत सेवा प्रदान गर्दै आएको छ।
बैंकका अनुसार करिब २० लाख ६४ हजार ग्राहकले आधुनिक बैंकिङ सेवाको प्रयोग गरिरहेका छन्।
बैंकले पछिल्लो समय डिजिटल तथा प्रविधिमैत्री बैंकिङ सेवामा समेत नयाँ सुविधा थप्दै आएको जनाएको छ। फोनेपेसँगको सहकार्यमा नेपालमै पहिलोपटक ‘सिटिजन्स फोनपे क्रेडिट कार्ड’ सञ्चालनमा ल्याएको बैंकले जनाएको छ।
त्यस्तै, युवालाई लक्षित गर्दै ‘सिटिजन्स जेन–जी सेभिङ अकाउन्ट’ तथा ‘सिटिजन्स डिजी बैंक सेवा’ नामक एकीकृत अनलाइन प्लेटफर्मसमेत सञ्चालनमा ल्याइएको बैंकको भनाइ छ।
फ्रिलान्सरलाई लक्षित गरी ‘फ्रिलान्सर सेभिङ अकाउन्ट’ नामको बचत खाता सञ्चालनमा ल्याउनुका साथै मोबाइल बैंकिङ एपमार्फत शेयर आवेदन तथा सीआरएन नम्बरसम्बन्धी सेवा लिन सकिने सुविधा पनि उपलब्ध गराइएको बैंकले जनाएको छ।
यसका साथै बैंकले आफ्ना ग्राहकलाई अन्य बैंकको एटीएम प्रयोग नगरी शाखाबाट टेलर क्यूआर स्क्यान गरी नगद प्राप्त गर्न सकिने सुविधा पनि उपलब्ध गराएको जनाएको छ।
बैंकले आधुनिक बैंकिङ सेवाको पहुँच विस्तारसँगै सामाजिक उत्तरदायित्वका कार्यक्रमलाई पनि प्राथमिकतामा राख्दै आएको र आगामी दिनमा स्वास्थ्य, शिक्षा तथा सामाजिक क्षेत्रमा थप कार्यक्रम सञ्चालन गर्ने योजना रहेको जनाएको छ।
