२०८३ असार २, मंगलवार १५:२६
काठमाडौं । नेपाल स्टक एक्सचेन्ज (नेप्से) परिसूचक मंगलबार झिनो अंकले घटेर बन्द भएको छ। आज नेप्से ६.३१ अंकले घट्दै २७०५.४५ बिन्दुमा कायम भएको हो।
आज ३५५ वटा कम्पनीको शेयर कारोबार हुँदा कुल ४ अर्ब ४ करोड ७८ लाख रुपैयाँ बराबरको कारोबार भएको छ। कारोबार अवधिमा १ करोड ७ लाख ५६ हजार कित्ता शेयर किनबेच भएको नेप्सेले जनाएको छ।
कारोबार रकमका आधारमा आज आँखुखोला जलविद्युत कम्पनी अग्रस्थानमा रह्यो। यस कम्पनीको ३१ करोड ९९ लाख रुपैयाँ बराबरको शेयर किनबेच भएको छ। त्यसपछि सिद्धार्थ बैंकको १८ करोड २७ लाख रुपैयाँ बराबरको शेयर कारोबार भएको छ।
आजको बजारमा ८० कम्पनीको शेयर मूल्य बढ्दा १७७ कम्पनीको मूल्य घटेको छ। त्यस्तै १५ कम्पनीको शेयर मूल्य स्थिर रहेको छ।
नाफा कमाउने कम्पनीहरूमध्ये सोपान फर्मास्युटिकल्स लिमिटेडका लगानीकर्ता शीर्ष स्थानमा रहे। कम्पनीको शेयर मूल्य १५ प्रतिशतले वृद्धि भएको छ। त्यस्तै एपोलो हाइड्रोपावरका लगानीकर्ताले १४.९८ प्रतिशतका दरले नाफा कमाएका छन्।
यता सर्वाधिक गुमाउने कम्पनीको सूचीमा सयपत्री हाइड्रोपावर रहेको छ। यस कम्पनीको शेयर मूल्य ४.९० प्रतिशतले घटेको छ।
समग्रमा कारोबार रकम उत्साहजनक रहे पनि बजार परिसूचक सामान्य अंकले ओरालो लाग्दा लगानीकर्ताको मिश्रित प्रतिक्रिया देखिएको छ।
