काठमाडौं । परराष्ट्रमन्त्री शिशिर खनाल र नेपालका लागि साइप्रसका गैरआवासीय राजदूत इभागोरस भ्रियोनिडेसबीच शिष्टाचार भेटवार्ता भएको छ।

सिंहदरबारस्थित परराष्ट्र मन्त्रालयमा भएको भेटमा नेपाल र साइप्रसबीचको द्विपक्षीय सहकार्यका विभिन्न विषयमा छलफल भएको मन्त्रालयले जनाएको छ।

ADVERTISEMENT

भेटका क्रममा परराष्ट्रमन्त्री खनालले साइप्रसमा रहेका नेपाली नागरिकको अवस्थाबारे चासो व्यक्त गरेका थिए।

ADVERTISEMENT

त्यसैगरी, दुवै पक्षबीच बहुपक्षीय मञ्चमा आपसी हित र सहकार्यलाई अघि बढाउने विषयमा पनि छलफल भएको मन्त्रालयले जानकारी दिएको छ।