नवनियुक्त उद्योग, वाणिज्य तथा आपूर्तिमन्त्री दीपककुमार साहले शपथ लिएका छन्।

बिहीबार राष्ट्रपति भवन शीतल निवासमा आयोजित विशेष समारोहमा राष्ट्रपति रामचन्द्र पौडेलले नवनियुक्त मन्त्री साहलाई पद तथा गोपनीयताको शपथ खुवाएका हुन्। उनी गत फागुन २१ मा भएको निर्वाचनमा सुनसरी–४ बाट निर्वाचित भएका हुन्।

ADVERTISEMENT

शपथ ग्रहण समारोहमा उपराष्ट्रपति रामसहायप्रसाद यादव, प्रधानमन्त्री वालेन्द्र शाह, सभामुख डोलप्रसाद अर्याल, राष्ट्रिय सभाका अध्यक्ष नारायणप्रसाद दाहाल, प्रधानन्यायाधीश डा. मनोजकुमार शर्मालगायत उच्च पदस्थत अधिकारी उपस्थित थिए।

ADVERTISEMENT

ग्यास अभावलाई लिएर बिहीबार नै गौरीकुमारी यादवले पदबाट राजीनामा दिएकी थिइन्। त्यसलगत्तै प्रधानमन्त्री शाहको सिफारिशमा राष्ट्रपति पौडेलले साहलाई मन्त्री नियुक्त गरेका हुन्।