२०८३ श्रावण २०, बुधबार ०६:५९
काठमाडौं । प्रहरीले आफ्नै हजुरबुबाको हत्या गरेको आरोपमा २३ वर्षीय नातिलाई पक्राउ गरेको छ ।
सोलुखुम्बुमा ५० वर्षीय कृष्ण गोपाल विश्वकर्माको हत्या गरेको आरोपमा सोलुदुधकुण्ड नगरपालिका-१, लुदु बस्ने २३ वर्षीय निरबहादुर विश्वकर्मालाई मंगलबार प्रहरीले पक्राउ गरेको हो ।
ADVERTISEMENT
प्रहरी प्रधान कार्यालयले निरबहादुरले सोमबार राति कुटपिट गर्दा कृष्ण गोपाल गम्भीर घाइते भएको भन्ने खबर प्राप्त हुनासाथ प्रहरी चौकी नुनथलाबाट खटिएको प्रहरीले निरबहादुरलाई पक्राउ गरेको जनाएको छ ।
गम्भीर घाइते भएका कृष्ण गोपालको स्वास्थ्य चौकी नुनथलामा उपचारको क्रममा मंगलबार मृत्यु भएको हो । साेही घटनाकाे सम्बन्धमा प्रहरीले आवश्यक अनुसन्धान गरिरहेको जनाएको छ ।
ADVERTISEMENT
