काठमाडौँ । देशका विभिन्न जिल्लामा भएका छुट्टाछुट्टै सवारी दुर्घटनामा सात जनाको मृत्यु भएको छ।

नेपाल प्रहरीको केन्द्रीय समाचार कक्षका अनुसार मोरङ, धनुषा, तनहुँ, कास्की र बझाङमा भएका दुर्घटनामा सात जनाले ज्यान गुमाएका हुन्।

ADVERTISEMENT

प्रहरीका अनुसार मोरङमा बसको ठक्करबाट एक पैदलयात्रीको मृत्यु भएको छ भने धनुषामा दुई मोटरसाइकल एकापसमा ठोक्किँदा एक जनाको ज्यान गएको छ। त्यसैगरी तनहुँ र कास्कीमा मोटरसाइकलको ठक्करबाट दुई पैदलयात्रीको मृत्यु भएको प्रहरीले जनाएको छ।

यस्तै बझाङमा जिप दुर्घटना हुँदा तीन जनाको घटनास्थलमै मृत्यु भएको छ।

ADVERTISEMENT

दुर्घटनामा अन्य केही व्यक्ति घाइते भएका छन्। घाइतेहरूको विभिन्न अस्पतालमा उपचार भइरहेको प्रहरीले जनाएको छ।

प्रहरीले घटनामा संलग्न केही सवारी चालकलाई नियन्त्रणमा लिएको छ भने सबै दुर्घटनाबारे थप अनुसन्धान भइरहेको जनाएको छ।