काठमाडाैं । सिटिजन लाइफ इन्स्योरेन्स कम्पनीले आइएसओ ९००१:२०१५ प्रमाणीकरण प्राप्त गरेको छ। उक्त प्रमाणिकरण युनाइटेड रजिस्ट्रार अफ (युआरएस) तथा उकास म्यानेजमेनेट सिस्टममार्फत प्रदान गरिएको हो। गुणस्तरीय सेवा, प्रभावकारी व्यवस्थापन प्रणाली तथा ग्राहक सन्तुष्टिप्रतिको आफ्नो प्रतिबद्धतालाई थप सुदृढ बनाउँदै जाँदा यस्ताे अवसर पाएकाे कम्पनीले जनाएकाे छ ।

यो अन्तर्राष्ट्रियस्तरको गुणस्तर व्यवस्थापन प्रणाली प्रमाणीकरणले सिटिजन लाइफले आफ्ना सेवा, सञ्चालन प्रक्रिया तथा व्यवस्थापन प्रणालीलाई विश्वस्तरीय मापदण्डअनुरूप सञ्चालन गरिरहेको पुष्टि गर्दछ।

प्रमाणीकरणले कम्पनीको कार्यप्रणालीमा पारदर्शिता, दक्षता तथा निरन्तर सुधारको संस्कृतिलाई संस्थागत बनाउँदै ग्राहकहरूलाई अझ भरपर्दो, छिटो, छरितो तथा गुणस्तरीय सेवा प्रदान गर्ने प्रतिबद्धतालाई सुदृढ बनाएको कम्पनीले जनाएकाे छ ।

विशेषगरी बीमा दाबी भुक्तानी, ग्राहक सेवा प्रवाह तथा आन्तरिक व्यवस्थापन प्रणालीमा उच्चस्तरको अनुशासन र एकरूपता कायम गर्न यो उपलब्धिले महत्वपूर्ण योगदान पुर्याउने विश्वास कम्पनीले लिएको छ।

यस उपलब्धिले कम्पनीको सेवा गुणस्तर र स्थिरतालाई थप सुदृढ बनाउनुका साथै ग्राहक सन्तुष्टि र विश्वास अभिवृद्धि गर्न महत्वपूर्ण योगदान पुर्यारउने छ। साथै, आन्तरिक प्रक्रिया अझ प्रभावकारी, व्यवस्थित र जवाफदेही बन्ने अपेक्षा गरिएको छ। यसका अतिरिक्त, नियामक निकायहरूको मापदण्डसँग थप सुसंगतता कायम गर्दै संस्थागत सुशासनलाई मजबुत बनाउने तथा राष्ट्रिय तथा अन्तर्राष्ट्रियस्तरमा कम्पनीको पहिचान र विश्वसनीयता अझ उचाइमा पुर्याउउने विश्वास कम्पनीले लिएको छ।

सिटिजन लाइफले यस उपलब्धिलाई केवल प्रमाणपत्रमा सीमित नराखी ग्राहकको विश्वास, उत्तरदायित्व तथा दीर्घकालीन सेवा उत्कृष्टताप्रतिको दृढप्रतिबद्धताको रूपमा ग्रहण गरेको जनाएको छ।