काठमाडौं । बहराइनले एसीसी प्रियमियर कपमा नेपालसामु ८८ रनको लक्ष्य प्रस्तुत गरेको छ ।

मलेसियाको यूकेएम यूएसडी ओभलमा टस हारेर ब्याटिङको निम्तो पाएको बहराइन ३६.२ ओभरमा ८७ रनमै समेटियो ।

ADVERTISEMENT

बहराइनका फैज अहमदले १५, मोहम्मद वासिमले १३ र अली दाउदले १० रन बनाउनुबाहेक अन्य ब्याटरले दोहोरो अंकमा रन जोड्न सकेनन् ।

ADVERTISEMENT

नेपालका कप्तान सन्दीप लामिछानेले सर्वाधिक पाँच विकेट लिए । १० ओभर बलिङ गरेका उनले चार मेडनसहित १४ रन खर्चिए ।

यसैगरी, ललितनारायण राजवंशीले तीन र करण केसीले दुई विकेट लिए ।

ADVERTISEMENT

नेपाल क्रिकेट संघ क्यानले गत महिना रोहितकुमार पौडेललाई हटाएर सन्दीपलाई कप्तानी जिम्मेवारीमा फर्काएको थियो । सन्दीप कप्तानमा फर्किएपछि नेपालको यो पहिलो आधिकारीक खेल हो ।