२०८२ आश्विन ६, सोमबार १९:३८
काठमाडौं। गत शुक्रबार गएको पहिरोका कारण अवरुद्ध नारायणगढ–मुग्लिन सडकखण्ड सोमबार साँझदेखि पूर्णरूपमा सञ्चालनमा आएको छ ।
तुइन खोलामा गत शुक्रबार साँझ आएको पहिरोका कारण अवरुद्ध सडक सोमबार साँझ ६ बजेदेखि पूर्णरूपमा सञ्चालनमा आएको हो ।
डिभिजन सडक कार्यालय चितवनका प्रमुख नारायण लामिछानेका अनुसार, आइतबार साँझ केही समय एकतर्फी सञ्चालनमा आएको सडक राति बन्द गरिएको थियो ।
ADVERTISEMENT
सोमबार बिहानदेखि एकतर्फी रूपमा सञ्चालन गरिएको सो सडक दिउँसो १ बजेदेखि ३ बजेसम्म पूर्णरूपमा बन्द गरी पहिरो पन्छाइएको थियो ।
ADVERTISEMENT
अझै पहिरोको जोखिम रहेकाले यात्रा गर्दा सवारी चालक र यात्रुलाई सावधानी अपनाउन जिल्ला प्रशासन कार्यालयले आग्रह गरेको छ ।
ADVERTISEMENT
