काठमाडौं । यो वर्ष चाँदीको मूल्य करिब चार गुणा बढेको छ। २०८१ चैत मसान्तमा प्रतितोला १,९६० रुपैयाँ रहेको चाँदी २०८२ चैत मसान्तसम्म ४,९०० रुपैयाँ पुगेको हो।

मूल्य बढे पनि चाँदीमा लगानीकर्ताको आकर्षण भने झन् बढेको देखिएको छ। भन्सार तथ्यांकअनुसार चालु आर्थिक वर्षको नौ महिनामा करिब ३० अर्ब रुपैयाँ बराबरको चाँदी आयात भएको छ। यो अहिलेसम्मकै उच्च हो। अघिल्लो वर्षको सोही अवधिमा ५ अर्ब ३१ करोड रुपैयाँ बराबरको मात्र चाँदी आयात भएको थियो। यस वर्ष परिमाण र मूल्य दुवै हिसाबले आयात साढे चार गुणाभन्दा बढी बढेको छ।