२०८२ श्रावण ५, सोमबार ११:३३
काठमाडौं, गुराँस लघुवित्त वित्तीय संस्था लिमिटेड (GLBSL) ले आर्थिक वर्ष २०८१/८२ को चौथो त्रैमासको वित्तीय विवरण सार्वजनिक गरेको छ। संस्थाले यो त्रैमासमा रु. ३.९५ करोड खुद नाफा कमाएको छ, जुन अघिल्लो वर्षको सोही अवधिको रु. २.०८ करोडको तुलनामा ८९.९६% ले वृद्धि हो। यस्तै, प्रतिशेयर आम्दानी (EPS) रु. १७.९९ बाट ८९.९६% ले बढेर रु. ३४.१७ पुगेको छ भने प्रतिशेयर नेटवर्थ रु. १२३.२१ बाट २७.२५% ले वृद्धि भई रु. १५६.७९ पुगेको छ। खुद ब्याज आम्दानी ५९.७४% ले बढेर रु. १३.२४ करोड र सञ्चालन मुनाफा ८७.८५% ले बढेर रु. ६.०३ करोड पुगेको छ।
संस्थाको कर्जा तथा सापटी १५.८२% ले वृद्धि भई रु. १९४.७८ करोड र ग्राहक निक्षेप ३०.३८% ले बढेर रु. ४५.५६ करोड पुगेको छ। रिजर्भ र सरप्लसमा १४४.६्ट% को उल्लेखनीय वृद्धि भई रु. ६.५७ करोड भएको छ। खराब कर्जा अनुपात (NPL) ३.६७% बाट घटेर २.९१% पुगेको छ भने पुँजी पर्याप्तता अनुपात ८.०३% बाट ८.७२% पुगेर नियामकीय मापदण्डभन्दा माथि रहेको छ। कोषको लागत ८.७९% बाट ६.९% मा झरेको छ, जसले संस्थाको वित्तीय दक्षता र जोखिम व्यवस्थापनमा सुधार भएको देखाउँछ।
