काठमाडौँ । सरकारले नेकपा (एमाले) को केन्द्रीय कार्यालयको सुरक्षामा खटिएका सुरक्षाकर्मीलाई फिर्ता बोलाएको छ।एमालेको केन्द्रीय कार्यालयमा सुरक्षा दिँदै आएका सशस्त्र प्रहरीका सुरक्षाकर्मी सोमबारदेखि फिर्ता भएका हुन्।

एमालेका प्रचार विभाग प्रमुख नीरज आचार्यका अनुसार कार्यालयको सुरक्षामा खटिएका सबै सुरक्षाकर्मी फिर्ता गएका छन्। सरकारले सुरक्षाकर्मी फिर्ता बोलाउनुको कारणबारे भने जानकारी नभएको उनले बताएका छन्।

ADVERTISEMENT

‘सोमबारदेखि कार्यालयको सुरक्षामा खटिएका सबै सुरक्षाकर्मी फिर्ता गएका छन्,’ आचार्यले भने, ‘किन हटाएको हो भन्ने केही खुलेको छैन।’सरकारले एमाले केन्द्रीय कार्यालयको सुरक्षामा खटिएका सुरक्षाकर्मी फिर्ता बोलाएपछि यसबारे थप विवरण सार्वजनिक भएको छैन।

ADVERTISEMENT