२०८२ माघ २१, बुधबार १४:०८
काठमाडौं। नेकपा (एमाले) ले काठमाडौं उपत्यकाका उम्मेदवारहरूलाई केन्द्रमा राख्दै सञ्चारकर्मीहरूसँग संवाद कार्यक्रम आयोजना गरेको छ। कार्यक्रममा उपत्यकाका १५ जना उम्मेदवार उपस्थित हुने भनिए पनि सबै उम्मेदवारको सहभागिता भने रहेको थिएन।कार्यक्रममा महेश बस्नेत , ईश्वर पोखरेल लगायतको उपस्थिति रहेको थियो।
कार्यक्रममा उपस्थित उम्मेदवारहरूले आगामी निर्वाचनका लागि पार्टीका प्राथमिकता, विकास योजना तथा जनजीविकासँग जोडिएका मुद्दाबारे धारणा राखेका थिए। साथै सञ्चारकर्मीहरूले उठाएका समसामयिक प्रश्नहरूको जवाफ दिँदै उम्मेदवारहरूले पार्टीको दृष्टिकोण स्पष्ट पार्ने प्रयास गरेका थिए।
संवाद कार्यक्रममा शहरी पूर्वाधार, रोजगारी सिर्जना, शिक्षा, स्वास्थ्य तथा सुशासनका विषयमा विशेष छलफल भएको जनाइएको छ। उम्मेदवारहरूले उपत्यकाको दीर्घकालीन विकासका लागि एमालेको भूमिका महत्वपूर्ण रहने दाबीसमेत गरेका थिए।
कार्यक्रममा सबै उम्मेदवार उपस्थित नहुनुको कारणबारे भने औपचारिक जानकारी दिइएको थिएन। आयोजक पक्षका अनुसार आगामी दिनमा यस्ता संवाद कार्यक्रमलाई थप प्रभावकारी बनाउँदै लैजाने योजना रहेको छ।
