काठमाडौं । हिमालयन बैंकको एफपीओ भरेकामध्ये करिब आधा संख्याले पाउने भएका छन् । बैंकले कुल ९२ लाख ५० हजार ४६९ कित्ता एफपीओ निष्कासन गरेको थियो ।

धितोपत्र बाँडफाँट निर्देशिकाअनुसार १० कित्ताका दरले एफपीओ बाँडफाँट हुनेछ । जसअनुसार ९ लाख २५ हजार ४६ जनाले सेयर पाउने छन् । यीमध्ये ९ जनाले ११ कित्ताका दरले र बाँकीले १० कित्ताका दरले पाउने छन् ।

ADVERTISEMENT

अनलाइन प्रणाली मेरोसेयरमार्फत आइतबार साँझ ५ बजेसम्म एफपीओ १७ लाख ८६ हजार ७८२ आवेदकले भरेका छन् । एफपीओमा आवेदन बन्द भइसकेको छ ।

ADVERTISEMENT

सीआस्बा सदस्य बैंकबाट भरेका केही आवेदन थप हुने भएकाले यो संख्या केही बढ्न जानेछ । सीडीएस एण्ड क्लियरिङको तथ्यांकअनुसार आवेदकबाट कुल ४ करोड ९ लाख ६६ हजार ५ सय कित्ता माग भएको छ ।